TORGAVIUM

TORGAVIUM

vulgo TORGAW, urbs Ducatus Saxoniae, ad Albim, 7. leuc. infra Misnam in Boream, Wittebergam versus 5. et 6. a Lipsia in Caeciam. Hîc, a Flacianis, formula Concordiae conscripta, et ad eam approbandam omnes Theologi, ab Augusto Electore adacti sunt, reliquis in carcerem primo coniectis, dein extra fines dimissis, A. C. 1576. Synodô postmodum denuo hîc convocatâ, Melanchthonis scripta condemnata sunt. Cui cum rursus reclamatum esset, tandem moderamine adhibitô, A. C. 1577. in Bergensi Monasterio formula Concordiae promulgata est, vid. Hospin. in lib. Conc. l. 3. c. 7. 9. 25. 26. etc. Expugnata est a Suecis A. C. 1634. Cerevisiâ suâ clara.